Eduki publikatzailea

Arkamu-Gibillo-Arrastaria KBE

Arkamo-Gibijo-Arrastaria KBE

Tarteko garaiera (1.100 m-ra arte) duten mendilerroak dira, eta kate bat osatzen dute, Kuartangoko eta Urkabustaizeko haranak besarkatuz. Hauek dira orografia unitateak: Badaiako mendilerroa (soilik hegoaldeko muturra sartzen da eremuan); Arkamokoa, E-W orientazioarekin; Gibijokoa, goi lautada handia osatzen duena, eta Gorobelekoa, aurrekoaren jarraipena dena eta Arrastariako eta Urduñako haranera bortizki erortzen dena.

Mendi magaletan bertako zuhaitz masa handiak daude, eta nagusi dira pinu gorriz osatutako pinudiak eta pagadiak iparraldean eta altitude garaietan eta erkameztiak eta hariztiak hegoaldean eta lurzoru harritsuetan. Arkamo eta Gibijo lautada altuen erliebea karstikoa eta irregularra da, eta sasiz, belarrez eta pagadi bakanduz estalita dago; inguru horretan ganadua bazkatzen da.

Nabarmentzeko moduko elementu geomorfologikoak dira Techako haitzarte estua, Baias errekak  sortua, eta Nerbioiko ur jauzia, 200 metro baino gehiago amiltzen dena. Kareharrizko haitz handi eta ikusgarriak daude Arkamo eta Gorobelgo gailurretan.

Zergatik den garrantzitsua

Gune honetako balio natural nagusiak mendi magaletan dauden baso autoktono zabalak dira, eta horrez gain, interes paisajistiko handia duten elementu bereziak ere badaude. Mendi horiek eskualde atlantikoaren eta mediterraneoaren arteko muga biografikoa osatzen dute, eta zenbait espezieren banaketa areatan islatzen da hori. Haitz inguruetako (gailurrak, pitzadurak eta erlaitzak) landareak interesgarriak dira, inguru horien tamaina handia kontuan hartuz.

Zenbait espezie penintsulako iparraldeko eta ipar-ekialdeko mendietako endemikoak dira. Faunaren alorrean nabarmentzekoak dira basoetan bizi diren ugaztunak eta hegaztiak, baina bereziki inguru harkaiztar eta menditarretakoak. Izan ere, Euskal Autonomia Erkidegoan garrantzi handia duten animalia espezie batzuk aurki ditzakegu, besteak beste hauek: sai arreak (Gyps fulvus), arrano beltzak (Aquila chrysaetos), sai zuriak (Neophron percnopterus), belatz handiak (Falco peregrinus), malkar sorbeltzak (Apus melba), beleak (Corvus corax) eta belatxinga mokohoriak (Pyrrhocorax graculus).

DATU TEKNIKOAK

Menditarrak, basoak eta larreak
Espazio mota

KBE

Azalera

11.648,0 ha

Gertuko udalerriak

Karkamu, Ginea, Artatza, Jokano, Arriano, Andagoia

Intereseko fauna

Mehatxatutako ornogabe eta kiropteroen komunitate zabala nabarmendu behar da. Hegazti faunari dagokionez, arrano beltza, belatz handia, antzandobi arrunta edo sai zuria nabarmendu behar dira.

Intereseko flora

Crepis pyrenaica, Gentianopsis ciliata, Ophrys aveyronensis, Pedicularis tuberosa, Trollius europaeus bezalako espezieak nabarmendu behar dira.

Habitat esanguratsuak

Sastraka pulbinular orofilo europarrak, hegoaldekoak.

Gramineodun eta urteko TheroBrachypodieteadun gune azpi estepikoak

Artadiak

Beste espazio batzuk

Ruta cercana

Arabako Hegoaldeko Mendilerroen KBE eta HBBE

Ikusi gehiago
Ruta cercana

Entzia KBE

Ikusi gehiago
Ruta cercana

Gorobel Mendilerroa HBEE

Ikusi gehiago