Declaraciones y planes de gestión - natura2000

Arabako Natura 2000 Sarearen atzean Aldundiaren Ingurumen eta Hirigintza Sailaren lan tekniko handia dago; izan ere, flora, fauna eta haietako habitatak kudeatzeko neurriak, gobernantza ereduak, arauak eta abar aztertu eta idazten ditu, Europak ingurumena kontserbatzeko dituen eskakizunak bete eta gure altxor naturalak zaintzen eta hobetzen ere laguntzen digutenak.

Kontserbazio bereziko eremuak (KBE) eta Hegaztientzako babes bereziko eremuak (HBBE) aitortzeko 1/2014 Legegintzako Dekretuaren 22. artikulua baliatzen da, Euskal Autonomia Erkidegoko Natura kontserbatzeko Legearen testu bategina onartzen duena.

Dekretuetan Eusko Jaurlaritzak zaintzeko prestatutako arauak jaso dira; horrekin batera daude espazioak mugatzeko kartografia, Europar Batasunaren intereseko habitat eta espezie motak (aitorpena justifikatzen dutenak), eta horien zaintza egoeraren balorazioa, lekua babesteko helburuak eta jarraipen programa. Zaintza neurrien dokumentuan lekuaren zaintza egoera aztertu da, baita nolako lotura dagoen bertan dauden balioen (espezie eta habitat naturalak) eta giza jardueren artean, zaindu eta hobetu beharreko objektuei eragiten dietenak (industria, azpiegiturak, harrobiak, abeltzaintza, kanpatzea eta mendian ibiltzea, zura eta egurra, etab.). Bertan ezarri dira, halaber, babesa eta hobetzea bermatzeko garatuko diren erregulazio, neurri, irizpide eta helburuak ere. Leku bakoitzak dagokion kudeaketa tresna operatiboa izan behar du, leku horietan bizi diren pertsonekin eta Foru Aldundiekin batera ebatzitako neurriekin eta beharrezko eta aurreikusitako emaitzak benetan lortzen ari garela egiaztatzeko jarraipen programarekin..