Normativa europea - natura2000

Natura 2000 Sarea 1992an sortu zen Habitaten Zuzentarauaren ondorioz. Bi espazio mota daude: Kontserbazio bereziko eremuak (KBE), zuzentarau horretan jasotako erkidegoko intereseko espezie eta habitatak zaintzeko izendatutakoak, eta Hegaztientzako babes bereziko eremuak (HBBE), 1979an Hegaztien Zuzentarauak ezarritakoak; basa hegaztientzat garrantzitsuak diren eremu naturalei dagokie.

Euskadin Natura 2000 Sareko espazioen aukeraketa Gobernu Kontseiluaren 1997ko abenduko, 2000ko abenduko eta 2003ko ekaineko erabakien ondoren proposatu zen.

Leku horien balioa Europako Batzordeak aitortu zuen, Euskadik proposatutako leku guztiak Europar Batasunaren Intereseko Lekuei dagokienez argitaratutako lehenengo zerrendetan jaso baitziren, kasuan kasuko eskualde biogeografikoetan, hau da, 2004ko abenduan eskualde atlantikoaren kasuan, eta 2006ko uztailean eskualde mediterraneoan.    Hala ezarri ziren Europar Batasunaren Intereseko Lekuak eskualde biogeografiko atlantikoan eta eskualde biogeografiko mediterraneoan, Euskadiri dagozkionak.

• Kontseiluaren 92/43/EEE Zuzentaraua, 1992ko maiatzaren 21ekoa, habitat naturalak eta basa fauna eta florak onik zaintzeari buruzkoa
• Hegazti basatien kontserbazioari buruzko 2009/147/EE Zuzentaraua
• BATZORDEAREN 2004ko abenduaren 7ko ERABAKIA; honen bitartez, Kontseiluaren 92/43/EEE Zuzentarauarekin bat etorriz, eskualde biogeografiko atlantikoan Europar Batasunaren garrantzia daukaten lekuen zerrenda onartzen da.
• BATZORDEAREN 2006ko uztailaren 19ko ERABAKIA; horren bitartez, Kontseiluaren 92/43/EEE Zuzentarauarekin bat etorriz, eskualde biogeografiko mediterraneoan Europar Batasunaren garrantzia daukaten lekuen zerrenda onartzen da
• BATZORDEAREN 2004ko abenduaren 7ko ERABAKIA; honen bitartez, Kontseiluaren 92/43/EEE Zuzentarauarekin bat etorriz, eskualde biogeografiko atlantikoan Europar Batasunaren garrantzia daukaten lekuen zerrenda onartzen da